Nottingham Forest vs Blackburn Rovers

Sv: Nottingham Forest vs Blackburn Rovers

Sv: Nottingham Forest vs Blackburn Rovers

Preview Nottingham Forest vs Blackburn Rovers

Robin Hood og Lille John rusla gjennom skauen og ler av gamle vitser som de begge har hørt før. Rovers skal altså til Sherwood-skogen, og det utan sin falske konge. Richard Løvehjerte har dessverre ikkje returnert (sist eg sjekka hadde han grei suksess med den der såpebobleklubben i Aust-London), men humøret er tilbake i leiren. Det er heilt fantastisk at Kean verkeleg har vorte ein «Johan utan land» og håpet må vere at Svarte-Erik klarar å styre skuta i to kampar. 

Me har ikkje råd til tape for mange poeng til laga i teten, same kva slags trollmann Shebby Singh klarar å lokke til klubben. I følgje han sjølv står dei forresten i kø, som om det var brødmangel i Europa, dei store managerane på kontinentet. Kan dei ikkje berre ete kake, lurar du sikkert på? 

Nottingham Forest

Medan Rovers har Venkys heiter den gamle storklubben Forest sine velgjerarar Al Hasawi. Fawaz Mubarak Al Hasawi og familien hans er kjendisar i Kuwait, men om dei kjem til å styre klubben godt er ei anna sak. Til no har det ikkje blitt brukt særleg mange pengar, men manager Sean O’Driscoll har kanskje kjøpt lurt? Danny Collins er i alle fall ein solid stoppar med fartstid i Sunderland og Stoke og vil nok klare seg fint på dette nivået. Også Henri Lansbury, Simon Cox og Adlène Guedioura burde kunne bite ifrå seg i Championship. Cox var jo spelaren Steve Kean ville hente, så han kunne jo ha grunn til å ville vise seg fram mot oss. Det får han likevel ikkje høve til, sidan han må sone for karantene. Også spissmakker Dexter Blackstock må sone etter at han fekk raudt kort sist. Guedioura er også ute, og sidan han er ein favoritt blant fansen får ein tru at det er bra.

Sjef O’Driscoll har likevel eit anna blad på topp som nok får tillit mot oss; Billy Sharp jobba med O’Driscoll i Doncaster der han scora 25 på 49 kampar, og no er han altså på plass i East Midlands. Også Jermaine Jenas har kome inn på lån, og vil løfte laget når han er kampklar. Om han er kampklar allereie mot oss er ikkje fullt så sikkert.

Forest starta sesongen bra og særleg på heimebane vart det henta mange poeng. Trenden er likevel ein viss formsvikt, og sist kamp vart det tap for Derby. O’Driscoll har svaret:

-Mange vil seie at det er bra å få inn nye spelarar, men det er dårleg også, fordi då veit eg ikkje kva som er det beste laget.

Steve Kean kunne ikkje ha sagt det betre, så dette lovar godt.

Rovers

Det heilt avgjerande er sjølvsagt at Kean er ute. Det vert feira tidleg og seint, men dessverre kjem kampane på rad og rekke. Mot Charlton sist var det visst Kean sin kampplan som var lagt til grunn, og det burde forklare kvifor me var så svake. Eit pluss var det likevel at Dickson Etuhu vart flytta litt høgare opp i bana, og sjølv om han ikkje er nokon boks-til-boks-spelar så hjelper det at ikkje både han og Murphy ligg så djupt som dei har gjort tidlegare denne sesongen. Eit anna problem har vore den omtrent komplette mangelen på fart i laget, og det vart tydeleg sist med Gamst og Lowe på kantane. 

Tida er inne for Fabio Nunes som både kan utfordre og slå gode innlegg. Colin Kazim Richards er også verkeleg på veg tilbake, og sjølv om han nok ikkje er klar for fulle 90 minutt vil han vere eit spennande alternativ på høgre ving. Også Rochina treng å verte brukt, i det minste som vår eigen supersub. Eg trur det er for eit understatement å rekne når eg påstår at det gjeld om å spele Rhodes fram til scoringsposisjonar.

Defensivt har det vore store hol dei siste 21 månadane. Scott Dann har trass alt avslørt seg som ein svindel, men han burde vel kunne handtere dette nivået? Grant Hanley ser dessverre litt baktung ut… Martin Olsson har vel heller aldri forstått dette med posisjonering i forsvaret, men få han i gang igjen (jepp, ein god man-manager inn takk!) og han vil rocke i divisjonen. Høgrebacken er det verre med; Bradley Orr vil alltid vere ein keanite. Eit par nye fjes bør uansett inn i januar. Gael Givet, can you hear me?!

Kampen

Sist me møtte Forest var i ligacupen i 2009. Den måtte ein høyre på radio, og det må ein også denne gang. Det vart 1-0 til oss då, og det mest hendingsrike i den kampen var debuten til Phil Jones. Kven som eigentleg oppdaga Jonesy har det jo vore ein viss strid om, men for min del skjedde det for alvor i den kampen. Elles har me også vunne dei tre siste ligakampane mot kveldens motstandar og eg ser ingen grunn til å ikkje halde fram i den stimen. Kampstart er 20.45. Up the Rovers!

Sv:

Sv:

Sv:

Sv:

Sv:

Sv:

Ideelt sett burde Lowe fått spele terrier sentralt, vidare burde Rochina og dei andre unge teknikarane samt Hanley og Henley fått sjansen over tid. Litt risikabelt, men dersom ikkje tida i Championship blir brukt for å få gjennom unge spelarar, så føler eg Rovers bommar ein smule. Det er jo massevis av talent i troppa.

Sv: Sv:

Sv: Sv:

Sv:

Sv:

Sv:

Sv:

Sv: Sv:

Sv: Sv: Sv:

Sv: Sv: Sv:

Sv: Sv: Sv:

Sv: Sv: Sv: Sv:

Sv: Sv: Sv: Sv: Sv:

Sv: Sv: Sv: Sv: Sv:

Sv: Sv: Sv: Sv: Sv:

Sv: Sv: Sv: Sv: Sv: Sv:

Sv: Sv: Sv: Sv: Sv: Sv:

Sv: Sv: Sv: Sv: Sv: Sv:

Sv: Sv: Sv: Sv: Sv: Sv:

Sv: Sv: Sv: Sv: Sv: Sv: Sv:

Sv: Sv: Sv: Sv: Sv: Sv: Sv:

Sv:

Sv: